KC18 股票論壇

 找回密碼
 註冊

掃一掃,訪問微社區

QQ登錄

只需一步,快速開始

搜索
樓主: Playboy

散文小品 ~ 苦與樂

  [複製鏈接]
 樓主| 發表於 20/4/2009 18:27 | 顯示全部樓層

航海日誌 < 40 >

經過約三個幾小時航程、到達了日本福崗機場、由代理職員接往碼頭上船報到•

第一次到日本、人生路不熟、亦不識日語、而船上的同事亦陌生、唯在碼頭付近街道溜覽、只見路上行人不多、可能是碼頭區因素吧、走進一間 招牌寫住 [ 純契茶 ] 的咖啡室坐低 、當時乜都不識叫、好彩見到一支支鮮奶擺在雪櫃內、我叫女侍應生 指着 鮮奶{ 應該無三聚青安吧!} 要熱的•

此後 我逢到日本多數飲熱奶、而且學會了幾句日語  、、、拼音 :Ooh ,著山 [小姐 ] 、眇  Lu gao 呢 ![牛奶] 、飲用完後埋單、 依咕啦 爹 s 伽 呢 ?[ 這樣幾多錢 ] 、此時 佢地必回應 多少錢、但我從不在意理會多少、因為唔識聽 數目字語言、又要辦哂嘢、就算有散紙都不敢用、每次都用 1,000 丹去找數、 { 必不會撞板  、一定有找續 } •

有一水船到 北海道 劄幌 [ 時值冬天 ]、與幾位同事去浸溫泉、我地已專登揀公眾大池 { 有分家庭式 男女混合‥} 去浸、我幾人由男仕專用門進入及梳洗潔淨後才入內、入便有大小池五 ~ 六個、另有一個似泳池大細的溫泉 < 可以遊泳 > 但池中間有一塊布亷垂下將池隔開一半•

而溫泉之溫度各有不同、我地大都圍一條大毛巾在身、等去到池邊才脫開入水池、但當地人全都赤裸地行走地 當我地浸完細池、走去泳池想遊水時、揭起塊布 先知對面是女人天地、她們亦赤棵地浸池遊泳、見到我地過界亦不大驚小怪、若無其事地對我地微笑及打招呼、反而我地急急退出走人、真羞家•
發表於 20/4/2009 18:31 | 顯示全部樓層
哈!咁大個人都未去過日本,希望他朝跟內子到北海渡一遊就心足啦!
男女共浴浸溫泉都想試下,不過當然唔比得老婆知啦..呵呵!:support:
 樓主| 發表於 22/4/2009 19:39 | 顯示全部樓層

航海日誌 < 41 >

69 年 < 在另一隻船 > 係在日本、唔記得是 在 神戶 或 橫濱 見過一間醫院、佢用了 [ 日式 ] 的 中文開了一個名字、{ 各位能否猜測是乜名?[ 都幾文雅 ] } 此醫院的名字、如開業在中國人住的地方必然執笠!日本人使用中文字、有時真被考起、啼笑皆非、好似在平交 [ 火車軌 ] 十字路口  佢哋用中文寫 ~ < 一旦停止、立禁入!> 初睇一頭霧水、照字面雖明白其意、但亦失聲笑出•個間醫院 佢名字叫做 ( 壽 滿 醫 院 ) 、大吉利是! 入襯去的病人都 壽滿 而出 [ 瓜得也 ] 、如在中國開業、必執笠不疑!•

前頭幾年走的航線多是,共產社會國家或貧窮落後地區、無乜聲色犬馬場所、今次在日本 {除香港、星加坡外} 見識到 資本主義的自由社會上各種生活、可作一比較、兩種制度、誰執誰優之勢?!•

眼見人家  日本 [ 雖然我極度痛恨佢八年侵華舉動 ] 亦是這世界上唯一受過 < 原子彈 > 苦頭教訓的國家民族、戰後幾變廢虛、但在全國一心、埋頭苦干、重振民族之晶結、降戰敗後、用短短 二十年 、憑其完善法制、經濟起飛又再雄霸 東亞、包括香港在內、差不多八成家宅電器全是日本貨、 而中華人民共和國 ~ 1949 ~~ 1965 年間、白白浪費了十多二十年 < 如連文革在內計 共約花了三十年 > 的寶貴年期、一味開會批斗、更甚是攪到國家 一窮二白境界、走文至此、不禁擲筆而嘆!我大~中華人民共和國、 竟連一個戰敗小日本國都不如 [ 指當年期之– 經濟、科技 ] •
發表於 22/4/2009 23:28 | 顯示全部樓層
日本需侵華!!!身為中國人當然有點仇視!!但佩服日本的民族精神!!
 樓主| 發表於 24/4/2009 20:08 | 顯示全部樓層

航海日誌 < 42 >

回講 當年日本社會的風氣、在街道上、每隔不遠就有一間 { 彈 波子機鋪 } 生意不知幾好、人流不絕、佢地用波子機做賭搏工具、我最喜歡在街邊 ~ 類似大牌檔 坐低吃食碗牛肉麵、貪方便 每樣嘢 用手指點而叫、不須講日語•

當年、飲清酒 [ Saki ]、歌妓、按摩、沐浴、睇脫衣舞、已是夜生活 的一部份、我自幼 對煙酒 點滴不沾、所以對 Saki 從不知怎樣、但其它各項都有所聞及見過 講起睇脫衣舞、•

有次在 千葉 { 此市之脫衣舞聞名全日本國 } 有晚 我與同事幾人去一場所睇緊舞、此場地舞台的設計形式是採用現代 模特兒行 Cat walk 台同一樣款、其中有一同事 { 四眼仔 } 他爭坐前排座位、當女郎脫到冇得再脫時、此同事竟除下眼鏡 及企起身 伸長頭頸 哄埋去睇•

點知此女郎一手搶了其眼鏡 及用手摸吓自己的.......、再用此手沫落四眼仔 之眼部及眼鏡、當堂攪到全場起哄及大笑、叫聲不絕、猛叫四眼仔上台與女郎合拍表演、{ 原來是容許客人可以上台與女共舞表演,如果你夠膽的話 } 四眼仔怕醜、冇上台、但此後 四眼仔逢賭必輸、幾乎啊媽都唔認得、你話邪門嗎?•

另一次再到 千葉 港、 [ 時在 70 ~71年間 近聖誕期 ] 有幸見到近代香港一頂頂大名人、此人想必大家 < 港人> 都認識、請估何許人也?容後再述之••

[ 本帖最後由 Playboy 於 24-4-2009 20:11 編輯 ]
發表於 24/4/2009 20:15 | 顯示全部樓層
比d貼士,係乜行業???
 樓主| 發表於 24/4/2009 20:26 | 顯示全部樓層

回復 #186 sunnykc18 的帖子

大商家、早已退休、現安享晚年•:11119:
發表於 24/4/2009 20:47 | 顯示全部樓層
船王???
 樓主| 發表於 24/4/2009 20:52 | 顯示全部樓層

回復 #188 sunnykc18 的帖子

非也 !:329051008:
 樓主| 發表於 28/4/2009 20:33 | 顯示全部樓層

航海日誌 < 43 >

由日本用了三個幾星期航程、才到印度西岸 < 孟買 > 、在香港時常見慣印籍人士、不覺得怎樣、但當見到滿街印度人時又有另一種感覺、當年代我只能用一句總括去講~能住在一個平等毫無岐視的地方–香港 、、而能生活在其中的印籍人幾咁好彩、幸福、尤其是女性•

當時、我可以話已有三、四年航海經驗、正所謂行走了不少 [ 碼頭 ] 及見識、從未想過在印度見到此奇怪而慘悲的貧民區及底層工人之生活、在緬甸見過工人之不值錢而已、但在印度更慘見其工人家庭之苦況•

船靠好碼頭、我在甲板望向岸上 只見一大群人們、有男有女、更有小孩子最奇怪是竟帶着粗劣家具、攪清楚,原來差不多的所有碼頭工人都住無居所、每次有船到而有工開者、必帶家眷齊上船開工、佢地江落倉開工前首先利用船倉面上的蓋板 [ 蝦子板 @約1.2尺 x 3.5 尺] 再去找尋在全船可以有停留空間甲板面、搭佢地每人的臨時棚屋安置家眷大細、剎那間我船變成似難民營•

而家中的女人就去找問各船員有冇衣服 分給佢地代洗清潔、收取其報酬 是非常少、只需 肥皂一塊或香煙、大米、就可以洗大堆衫、有佢地在船上、我地船員們出入都不方便、常要 鎖房間、但亦從冇人有失竊過、他們雖窮 但亦活得有志氣•

埋街去市區中心途中、經過貧民區、只見其居所係用木條搭成好似牛棚一樣的屋、可用 < 牛欄牌 > 稱呼之、亦有見繁盛地點、但貧富差距太大、 大多見白印度人比較高尚、而我覺得世界女性中的眼睛、以印度為最靚、皆大多都是鳳眼形也•
發表於 28/4/2009 20:38 | 顯示全部樓層
邊果黎架???仲未開估:23:
 樓主| 發表於 28/4/2009 20:44 | 顯示全部樓層

回復 #191 sunnykc18 的帖子

他日寫到、、自有提及、 勿急•
 樓主| 發表於 30/4/2009 21:50 | 顯示全部樓層

航海日誌 < 44 >

我在 環球公司的船 做不夠一年 合同、走了兩次印度、因此船太舊 而當爛鐵賣去台灣的拆船廠 做廢鐵、船的最後一水是在日本的 和歌山港 清船及焗 < 琉璜 > 需時兩日一夜 [ 安排全船人住宿旅舍 ]  才開去高雄市•


時值約 69 年尾、我第一次到台灣、此僅有的反攻大陸基地、蔣 [ 匪 ] 所在之地 、仍處於戰時、戒嚴奘態、這是我自幼以來的耳沾、目染來自 共產中國對 台灣 之稱•

船進入高雄港時、慢車駛入拆船廠碼頭靠泊、船廠內的碼頭 並無多少船隻待拆、我船在除必要當斑者外 [ 舵手 ~ 留守吊橋梯口、撿查上落人等] 、所有日常的工作已停止、輪機房之機器、煱爐一 一關閉、水、電由岸上供應、我地有兩晚一日要停在高雄、因要等安排交通班機回港、目前只須要執圾好行李等離船•

同事們行街玩樂少不免、但必須在晚上戒嚴前回到居所、因到時軍警、憲兵滿街巡查、在台灣亦見到 店鋪叫 [ 純契茶 ] 、有正當的 、亦有掛羊頭的、分別在門口的光管招牌顏色、此類 經營手法似香港 早期之 { 酒帘 } 格局、如問 ;香港有 乍菲道、廟街、而高雄亦有攞正牌、位在 ~ 市政府 ~ 後邊的一條花街、如不知情者男性闖入、 幾難全身而退、皆四方八面之賣笑者湧前用類似綁架手法硬推入屋、起碼香港冇此霸王上弓場面、當地人朋友之間有時問 你去那里? 多回答 ~ 市政府 ....後邊、也•

怪不得當時的 周恩來總理 有句名言 、回答某記者 ;中國亦有妓女、只不過在海岸對面 ~ 台灣•
發表於 30/4/2009 22:01 | 顯示全部樓層

回復 #193 Playboy 的帖子

咁Playboy兄有冇試過比流鶯用類似綁架手法硬推入屋呢?:34:
 樓主| 發表於 30/4/2009 22:05 | 顯示全部樓層

回復 #194 biglam 的帖子

你話呢?!哈哈、勿追問也 :111110: :thanks0508:
發表於 30/4/2009 22:07 | 顯示全部樓層
原帖由 biglam 於 30-4-2009 22:01 發表
咁Playboy兄有冇試過比流鶯用類似綁架手法硬推入屋呢?:34:

呢d野心照la!!!無謂令playboy難做:51111116:

[ 本帖最後由 sunnykc18 於 30-4-2009 22:10 編輯 ]
發表於 30/4/2009 22:07 | 顯示全部樓層
原帖由 Playboy 於 30-4-2009 22:05 發表
你話呢?!哈哈、勿追問也 :111110: :thanks0508:


哈哈..意會到啦!:58: :58:
 樓主| 發表於 4/5/2009 19:40 | 顯示全部樓層

航海日誌 < 45 >

自高雄回港後離開環球公司另到 [ 金山輪船公司 ] 登記落船工作、當時每位新來船員 < 行船佬 > 到某任何船公司 只需稍作資料登記及留低 { 紅薄仔 } 就可以回家等消息 及分派落船工作、此 ( 金山輪船公司 ) 當時 的地趾 = 舊中環 渣打總行 九樓、 是屬于 東方海外 集團 [ 梅花嘜 ] 其所有船員部之調派專責部門、亦是另一香港船王 ~ 董浩雲老先生 所擁有•

70 年初 被派去一艘油輪 排水量約 八萬伍仟吨 [ 載重 ] 船名 ; " Mv. Atlantic Antares = 大西洋巨星號 " 在此之前 我所工作過的船隻 大多最大只是萬吨左右、此船航線 主要在 波斯灣 裝源油運 至地中海~歐洲各國、  義大利、法國、比利時、英國•

今次共 約 20 新船員由港乘搭 德航 飛經 新德里、科威特 再到羅馬、在羅馬入境後由代理用大巴載我地、穿經羅馬市中心 [ 見到 聞名古代之圓形場館 及旁邊之噴泉 ]、到當地火車站、再轉乘搭火車去目的地 ~ Civltavecchia 港 落船•

經一日之奔波勞碌、晚上才去到碼頭見到巨輪、有一點要知道、但凡油輪所靠之碼頭 或停泊海中心之地點必遠離市區、可以話多是荒無 < 房屋 > 地帶、皆碼頭油管所在處必是有練油廠在左近、第一次上到這巨輪感覺到、比以前服務過的船幾咁細隻、此船最高航速可在 18 ~ 22 節 [ 海浬 ] 、 船的主機引擎 採用 B & W 柴油機 、共 用12 個活塞  < 12 把摭 >  {好似現在 你各位有時見在TV 中替 德士古 賣之廣告 中的工人在抹之機盆 一樣 }、船上的任何設備都新及實用、船員倉亦闊大、後來船到波斯灣~ 某沙地油港 時所見之油輪、才知我這輪只不過是小巨型船也、真是小巫見大巫、人家最細都有十萬吨以上、更甚者超過 18~20 萬吨 亦有之、用一座山來形容也不太過•
發表於 4/5/2009 20:53 | 顯示全部樓層
e+ d車都有12活塞,不過d大小可能差好遠:11117:
 樓主| 發表於 4/5/2009 21:26 | 顯示全部樓層

回復 #199 sunnykc18 的帖子

:11119: 蚊肶 同 牛肶•
您需要登錄後才可以回帖 登錄 | 註冊

本版積分規則

聯絡我們|Youtube|手機版|黑期指數|KC18 股票論壇

GMT+8, 15/7/2020 04:24 , Processed in 0.069214 second(s), 22 queries , Gzip On.

Powered by Discuz! X3.4

© 2001-2017 Comsenz Inc.

快速回復 返回頂部 返回列表